Som følge av Coronapandemien vart dessverre Festidalen 2020 avlyst. Vi gler oss difor storvegs til å invitere til å bli med på "årets vakraste eventyr - Festidalen" 25. og 26. juni 2021.
Fleire av artistane som var på plakaten i 2020 er allereie bekrefta til Festidalen 2021 - mellom anna har me gleda av å ha både Gabrielle og Aurora på scenen på Dønhaug. Me held på siste helga i juni, og har ellers planar om å dra på med endå meir av alt det gode. Med andre ord, siste helga i juni er det Kvinnherad og Uskedalen som gjeld, framleis plassert midt i sunnhordlandsbassenget. Her får du servert musikk og kortreist mat av internasjonal klasse. I fjor høyrde vi mykje "for eit program!", "har du smakt burgeren?" og "utruleg mykje flotte folk her altså" summe over festivalområdet. Heilt sant, eller #truestory som vi seier på bygda.
Festidalen er open for folk i alle aldrar. Born under 13 år kjem gratis inn. Dei frå 13 til 18 må kjøpe eigen billett og ha følgje med verge. Sjå www.festidalen.no for meir informasjon.
Bussbillett er inkludert i passet du kjøper. Enkelt for deg og oss.
For publikum under 18 år: Sjå reglar kring vergeordning på www.festidalen.no.
Kjøpte billettar vert ikkje refunderte.
